追皇馬巴塞贏波

今晚歐洲賽場，焦點肯定係英超的超級星期天，曼聯和利物浦宿世之仇，車路士同阿仙奴的倫敦老大之爭，都充滿大戰氣息，兩場比賽的成敗，更關乎邊隊有機會在爭標之路上彈出，今晚唔睇波，絕對係球迷的損失。

英超殺聲四起，西甲同樣有大戰，皇馬同巴塞羅那的爭霸之路亦進入白熱化，有七分優勢的皇馬只要今晚主場擊敗持續不振的華倫西亞，衛冕機會就大增，所以初盤硬讓一球都要捧皇馬。皇馬近期的狀態唔係咁好，加上雲尼斯達羅受傷對攻力造成極大影響，但較之剛大戰完巴塞的華倫，主場十二勝一負入卅五球失十一球的數據，仍是對皇馬的信心所在。至於主場對華拉度列要讓球半／兩球的巴塞羅那更加唔輸得，因為一失分就幾乎可以同錦標講拜拜，球員肯定會搏命，以人腳同埋狀態，巴塞都可以信賴。

推介：皇家馬德里勝2:0

            巴塞羅那勝3:0