熱刺鬥羅馬敲和

意甲球隊羅馬將在今晚於英國倫敦作客友賽英超聯黑馬熱刺。熱刺為備戰下周英超開鑼，今仗面對羅馬，應該想盡量磨練默契，唔會太搏，避免有傷兵出現。至於羅馬實力雖不下於熱刺，但狀態一般，估計今仗中場爭奪較多，和波機會極大。（球賽編號：星期日8　now631台今晚10時正直播）
 
熱刺上季英超聯賽以第11名完成，主帥拉莫斯今季決心進行大清洗，連同外借已放走五名球員，包括在早前放走射手羅比堅尼，但球隊亦轉會市場簽入多名新星，其中來自布力般的大衛賓尼及巴塞的杜斯山度士更被視為明日之星，相信在新一季英超前四名爭奪又添一隊黑馬。球隊雖然近況大勇，但球隊陣容始終大變，今仗面對羅馬，只求試陣練兵，敲和波較穩陣。

羅馬上季整季表現出色，不但奪得意大利盃，而且在聯賽在後備兵源不足下與國際米蘭鬥到最後，奪得亞軍，歐聯更一度淘汰皇家馬德里殺入八強，絕對有所交代。但今季在轉會市場上，卻未見活躍，只簽下來自利物浦的後衛懷斯及錫耶納後衛羅尼亞，但放走巴西中場文仙尼給國際米蘭以及法國中場古利，實力有點減弱，幸好今仗只屬友賽，對手熱刺又唔去盡，所以都係小敲和波。

重心推介：雖然熱刺狀態較佳，但羅馬亦非善男信女，友賽和波十分正常。