今晚視體育台繼續now寬頻電視獨家直播英格蘭足總盃八強賽事，英超球隊米杜士堡主場迎戰英冠中下游球隊卡迪夫城，相信近期刻意留力專攻足總盃米杜士堡，返到河畔球場贏面較高。 米堡心繫足總盃
先排回勇米堡又變番神經刀，上場輸畀雷丁搞到成地眼鏡碎，但亦睇得出成班波心不在焉，根本一早將焦點放足總盃，事關佢依家英超有二十九分在手，基本上唔使擔心護級，而球會百年歷史上唯一冠軍獎盃就係○三年聯賽盃，顯然現階段足總盃比起英超更重要。其實米堡隊波一直進步緊，罰球好有威脅，不過破密集防守能力不足，同埋打法過於保守，好在整體質素遠對手之上，呢場又係小勝格。因為卡迪夫城近況都好一般，淨係靠一班過氣英超球星撐住，上場輸埋畀狀態低沉李斯特城，加上作客整體效率較差，最終只會久守必失。 布流蓄銳撼西布朗
至於布里斯托流浪越級挑戰西布朗，布流近期表現穩定，而且主場戰績一直都唔錯，今季輸波率低於三成，攻守亦相當平均，周中輸畀唐卡士打明顯有留力之嫌，之前亦曾經越級挑戰淘汰富咸，球員戰意同信心一流，迎戰近況比較飄忽、尤其是作客贏波率唔夠五成西布朗，布里斯托流浪自己地頭可以惡得出樣喇！ | 
