赛前分析:俄羅斯怕傷細膽
发表时间：2008-6-4 12:43:00
俄羅斯今晚於中立場德國貝豪森對立陶宛，俄軍射手普格恩耶克上場踢到傷，隨時緣盡歐國盃。為免再添傷兵，頭希丁克實叫班球員就住踢，相信唔會去得太盡，主W偏熱唔抵玩，捧細盤好過！（周四凌晨1時開賽）
王牌射手上場受傷
普格恩耶克早前協助辛尼特捧走歐洲足協盃，被視為國家隊王牌射手，點知呢位箭頭上場對塞爾維亞意外受傷，據報整親膝頭，緊決賽周未必踢得，認真陰功！俄軍今場約戰立陶宛，首要任務並非贏波，而係平平安安踢晒全場，求神拜佛唔好再有主力受傷，戰意只係麻麻。
近日有傳希丁克會接手車路士，但佢賽前已多番否認有關言論，相信呢點有助穩定軍心。呢位荷蘭名帥大賽經驗豐富，一定識分輕重，今場基本上只係操練性質，肉緊程度有限。不過，由於兩軍實力有距離，現時主W被到好低，熱而不穩唔抵玩，估計呢場入球數字唔多，捧細盤更佳！
