赛前分析:西班牙夜襲美軍
发表时间：2008-6-4 12:43:00
西班牙今晚主場同美國拍跳，西班牙人腳質素贏晒美國，加上有主場之利，優勢更為明顯，而美國則擺明陪練，預期西班牙可以大比數贏波，「讓球主勝」值捧。（廣東體育周四凌晨4時直播）
美國鬥心不足
西班牙近期熱身賽成績唔錯，自從打完歐國盃外圍賽後，三場熱身賽全部贏晒，對手仲要係法國及意大利，幾日之前再擊敗實力不俗南美兵秘魯。經過呢三場熱身賽後，西班牙球員已經打起信心，前鋒組合韋拿及費蘭度托利斯有幾好唔使多講，仲有個新鮮出爐西甲神射手古爾沙可供領隊阿拉干利斯調配，攻力相當強勁。
美國上場作客英格蘭鬥心不足，傳送頻頻斷纜，整體表現水準之下，今場仲要冇埋殺手當路雲及力韋斯咸史碧達，面對備戰態度比英格蘭更為認真西班牙，美國凶多吉少。
