今晚德甲有場下游搶分大戰，羅斯托克主場鬥科特布斯，科特布斯上場爆冷擊敗史浩克04令球迷大跌眼鏡，不過佢作客表現同主場差太遠，超哥對佢今周能否保持水準有保留，咁對手羅斯托克入球能力弱得可憐，入球「細」係最好投注策略。（周六晚10時30分開賽） 科特布斯作客例主守
從季初所見，羅斯托克同科特布斯都係今季熱門降班分子，科特布斯上場擊敗勁旅史浩克04開齋，表現令人意外，不過睇番佢今季作客成績同主場差好遠，六場三和三負只入一球，要佢作客贏波難過登天，事實上佢亦有自知之明，除對住拜仁、史特加呢實力較強球隊外，近期對住下游比勒費爾德、哈化柏林都係以守為先，結果兩次都成功搶番一分，相信今場目標都係一樣。 羅斯托克同樣係一支靠主場搵食球隊，對上四場主場聯賽到兩勝兩和，不過佢主場平均每場入一球，埋門把握力唔算太強，就算贏波多數都係一球起、兩球止，所以超哥建議玩入球「細」，羅斯托克對上兩次主場都同科特布斯踢成○比○，有往績支持更添信心。
| 
