葡超中游大戰，國民隊主場迎擊馬里迪莫。兩隊波葡超都唔係乜強隊，實力差唔幾，不過論近況國民隊就好，加上主場出擊，有地利之下都係睇高一線，平手盤捧國民隊有數。（開賽時間：周二凌晨3:45） 馬里迪莫死晒火
其實兩隊波實力唔係差太遠，過去三季國民隊主場面對對手都係得二勝三和一負成績。不過咁，佢贏對手兩次都係近呢兩季事，證明國民隊主場開始搵到方法對付對手，所以今場坐擁主場之利可以話秤先少少。而且佢近兩場波愈打愈好，先主場以○比○打和國內班霸士砵亭，之後再作客以三比一輕取利亞拿，照咁睇要主場食住個勢贏埋馬里迪莫都唔奇。 所謂「此消彼長」，馬里迪莫近況恰恰相反，近兩場主場同作客賽事都未贏過，而且四場波只入到兩球，成班波好似突然死晒火咁，今次仲要作客當起國民隊，輸波而回都正路。
| 
