莉莉:愛沙尼亞主場食天「俄」肉

来源： 时间：07-04-03 11:14:30

雖然愛沙尼亞排名低俄羅斯成八十三位，之前三仗歐國盃外圍賽又輸晒，不過由於歷史因素，愛沙尼亞主場對親俄羅斯都特別落力，唔想輸波冇面，受讓值得捧場，足彩智讓球主客和「主勝」諗得過。（開賽時間：周日凌晨2:30） 

 

為尊嚴力抗俄羅斯 
 
愛沙尼亞歐國盃外圍賽E組三戰全敗，失四球未入一球排尾二，俄羅斯則以八分排第二位。講真，愛沙尼亞有自知之明，都唔會諗住可以同人爭出線，但為面子而戰，主場對俄羅斯就點都唔輸得！愛沙尼亞二次大戰後曾被俄羅斯（當時為蘇聯）佔據，到九一年先至獨立，到依家仍然未忘記當年被佔領之苦，愛沙尼亞有報章評論就直言，今晚場波唔係一場足球賽事咁簡單，因為場波勝負關乎到國家尊嚴咁話。

據知今晚場波門票已售罄，雖然爆滿都只係坐得一萬人，但警方都驚球迷情緒高漲搞出意外，所以加強警力戒備。由於主隊戰意高，過去兩次主場對實力較強俄羅斯都頂得住，取得一勝一和，小妹覺得佢今次可以繼續發揮「小宇宙」，不妨撐多佢一次！

·上一篇文章：
·下一篇文章：
发送好友：发送给好友 | 加入收藏：加入收藏夹 责任编辑： 文章作者：
■热门推荐