今晚繼續係歐國盃世界，踢埋今輪賽事，周末聯賽又重來，名牌讓得好辣，班球星掛住球會賽事，好容易贏波輸盤，部分作客讓波更唔划算！今日賽事好路過上周末，肥叔選擇仍然傾向下盤，心水係阿爾巴尼亞（三）2，作客保加利亞受讓球半，下盤諗得過！（周三晚11時開賽） 保加利亞近排好惹飛，皆因有個英超當紅射手貝碧托夫在陣，仲有柏杜夫同保積洛夫等球星，多人識自然多人買，整整愈讓愈過火，今次主場對阿爾巴尼亞，個盤讓到球半。計名氣客隊當然冇乜，但千祈咪當呢班波係聖馬力諾或法羅群島等魚腩，佢之前作客荷蘭以一比二僅敗，踢落唔係咁曳，保加利亞唔係話炒就炒！ 再睇埋其他場次，塞爾維亞（三）15上次作客意外輸畀哈薩克，即時幫佢退晒熱，而葡萄牙先贏巴西，再大炒比利時，唔使講梗係好聚飛，今次作客讓平半唔多合理，塞爾維亞主場向來可靠，下盤有得諗。北愛爾蘭（三）16又係主場受讓，佢主場贏過西班牙，瑞典今場唔係梗三分，讓到一球完全唔合理，要番北愛。
以色列可贏兩球
另外，肥叔愛隊以色列（三）8主場經常有佳作，同英格蘭打和，今次面對分組賽輸晒兼冇入波愛沙尼亞，贏兩球冇問題。愛爾蘭（三）14靠主場分，斯洛伐克作客唔係咁惡，呢場上盤捧得。蘇格蘭（三）18排緊榜首，踢法好硬淨，意大利根本讓唔起球半。仲有隻丹麥（三）12，德國出後備冇心踢，讓波必反！
| 
