踏入○八年大跌Watt拿玻里，今晚返到主場迎戰超級班霸國際米蘭，前面有首席射手薩拉耶達停賽，後面有正選門神伊素受傷，陣容不整，真係想唔輸都難。國米難得下周歐聯休戰，無後顧之憂，都係時候終止三場不勝走勢，捧客勝應該冇衰。（開賽時間：周一凌晨3:30） 國米唔使踢下周歐聯
上半季巴巴閉排第八拿玻里，點知新年之後就見真章，持續低沉，近八場聯賽先贏得兩場，搞到跌落第十一位，仲要連射手「薩拉椰撻」都唔見對射門鞋，你話點會唔驚？最慘係「椰撻」今晚要停賽，仲可以搵邊個入波先？死守又冇正選龍門，點會靠得住！ 國米連埋歐聯連續三場不勝，算係今季低潮，之不過始終佢都係人才濟濟，換人再搏過又會有新景象。更重要係今晚係意甲快車尾輪，拿玻里難免兵疲將乏，反而下周歐聯休戰國米，就算有伊巴謙莫域、哥度巴同森美爾等缺陣，都仲有大把替補，相信大家唔會擔心蘇亞素同基斯普會入唔到波？
| 
