美國芝華士聽朝主場硬撼芝加哥火燄，雖話芝華士近期兩連敗，但勝在陣容完整；相反火燄四日內連踢兩場客戰，今場更有後防大將沙加利斯為國效命缺陣，芝華士有力撲熄火燄！（開賽時間：周五早上10:30）
美國芝華士今季表現認真令人失望，最近兩場更全敗未入一球，之不過，佢今場陣容卻頗完整，除前鋒艾斯簡達利恩、加連度同後蘇天卡三名長期傷兵外，中場域奇、後哥迪奧蘇亞雷斯等幾名國腳都隨時候命，絕對具備反彈本錢！
至於火燄方面，呢支東岸球隊近期明顯跌watt，已經三場聯賽不勝，今仗將會係佢四日內第二次作客出戰，對球員體力話冇影響就呃你。最慘火燄今仗除有韋文干迪、達臣羅賓遜同迪亞高古迪利斯三名守將因傷上陣成疑外，後防大將沙加利斯更因為要為哥斯達黎加踢世界盃外圍賽肯定缺陣，防線殘到咁，受讓平半都咪亂試！
| 
| 加入收藏：
责任编辑： 文章作者： 
