美職聽朝上演洛杉磯打戰，兼西岸榜首之爭，洛杉磯銀河主場撼美國芝華士，同市球隊對決，雙方除為分數，更加要為面子而戰，誓要擊敗對方而後快，一場對攻戰在所難免，尤其係銀河今季有前冇後豪邁踢法，勢必進一步增加大手交易機會，Mic少一於再追入球大。（now 633周五早上11時直播）
Mic少唔只一次講洛杉磯銀河入球大好路，佢今季踢十五場聯賽竟然有十三次開大，呢支目前排西岸首位球隊，無論入波同失波數字都係聯賽中最多一隊，將性感足球演繹得淋漓盡致，因此銀河近期入球大賠率往往熱爆燈，但勝在命中率亦極高，仍然抵博。
碧咸當路雲顯身價
雖然話銀河最近連輸兩場，入球數字有所下降，不過踢打戰又係另一回事，因為球員榮辱感驅使之下，肯定會特別落力，尤其係兩位大哥碧咸同當路雲，實會以身作則，只要佢踢出正常水準，球隊入波必然唔會少。而且有一點值得留意係銀河防線，依然弱不禁風，近三場總共失九球，亦係開大有利條件之一。
至於美國芝華士作客戰績比較差，但其實佢今場只係掛名作客，因為兩隊共用同一個球場，芝華士今仗氣勢上絕對唔會輸蝕，為升上西岸榜首位置，照攻可也。事實上，睇番雙方近六次交手，五次開大，包括首循環銀河贏五比二，今次就算總入球冇七粒咁多，相信亦唔會相差得太遠。
