明早美職聯賽紐約紅牛主場對洛杉磯銀河，極具英超味道，紅牛有前阿士東維拉射手安祖助陣，而銀河則有碧咸，兩人在上季首次交手就炮製一場九個入球的經典好戲。一位擅射，一位精於傳送，今場再度於紐約碰頭，好大機會又上演入球騷，可捧入球大。（now 633周日早上6時30分直播）

上季作客紅牛輸4:5

碧咸同安祖的確好有緣分，「萬人迷」上季因傷患困擾，只有兩場踢足九十分鐘，其中一場就係作客紐約紅牛，當時紅牛以五比四勝出，安祖梅開二度，而碧咸則為銀河貢獻兩次助攻，兩人分庭抗禮，令在場六萬六千球迷看得如癡如醉。兩軍今次再於同一地方對戰，相信會再吸引大量球迷入場觀戰，雙方當然不敢偷懶。
巧合地安祖今季亦有唔少時間因傷缺陣，不過早前已經復出，而且狀態不斷上升，上仗更取得入球，及時回勇。安祖在雙方今季首次對碰中，亦曾射破銀河大門，有這位「銀河剋星」在陣，紅牛今場或可一改今季入球數字偏少形象，同目前攻力最強�縻y河再次合演入球騷。