|
|
| ||
|
瑞典超重開，關爺對艾夫斯堡最有信心。佐加頓斯於休戰期間頭頭碰黑，不但主力他投，總監惹上官非，今仗仲有三名主力停賽，人心惶惶，艾夫斯堡趁你病、你命，平手盤相當好路。（周四凌晨２時開賽） 三主力停賽 佐加頓斯於季初威過一輪後，就變番冇牙老虎，於休戰前一輪比賽，作客竟然大敗畀卡爾馬一比五，而之後瑞典盃及熱身賽，佐加頓斯都係輸多贏少。梗係啦，球隊現正陷於內亂，馬連高域及奧迪臣兩名主力，已經先後被撬走，而射手基連奴等三名球員，亦盛傳將會離隊，成班波點會有心機比賽？而總監安達臣又唔生性，近日捲入性侵犯官非，令班波雪上加霜。另外，三名主力包括列查拉克素等今仗都要坐波監，攻守實力大幅削弱，呢場就算主場出戰，都冇贏波把握。艾夫斯堡呢場「夫添」出戰，作客隨時贏埋都得。 |
|
