圖圖盃第三圈賽事今晚又有兩場畀大家過手癮，其中成為新球季首支參與正式賽事意甲球隊拿玻里，球員狀態未足，又有主力缺陣，今晚作客希臘惡鬥彭尼奧尼奧斯，肯定難打。事實上，來自希臘彭尼奧除熱晒身，仲有曾經意甲踢過波祖圖斯飛，受讓平半真係抵玩！（開賽時間：周一凌晨0:00）
曾經八九年贏過歐協盃冠軍拿玻里，昔日球王馬納當拿年代，的確係歐洲一等一強隊，不過自從「球王」告別之後就愈踢愈沉，直到近兩年先見佢翻生，上季仲到意甲第八成績，之但係老實講，佢仲未回復到昔日光彩，以為今晚對住希臘球隊易執？小心輸鬼埋。
主隊熟知意甲防守
冇錯，拿玻里暑假期間都買唔少新人，其中較受矚目自然係由明星前鋒拿維斯推介同鄉，來自獨立隊阿根廷前鋒「坦克車」謝文丹尼斯，同埋今季由卡坦尼亞收回射手比亞。不過，咪話我唔提醒大家，謝文丹尼斯幾年前曾經過意大利發展，但當年連踢丙組都搵唔到食，就算話依家進步好多，都咪期望太高。
況且，佢個烏拉圭射手薩拉耶達依家仲養緊傷，淨係睇番拿玻里之前兩場熱身賽，對住實力麻麻匈牙利同塞爾維亞對手都贏唔到波，今場真係唔多樂觀。
另一邊廂，已經踢兩場上一圈圖圖盃賽事彭尼奧，狀態肯定較為秤先，加上佢個箭頭祖圖斯以前踢過國米同羅馬，熟知意式防守，今晚有佢前線衝鋒陷陣，坐和望贏啦！
