日職全攻型大軍川崎前鋒全面復甦，重現超強火力，球隊早前加入生力軍，巴西中場域陀祖利亞有料到，直接令同鄉祖尼奴生番晒，大軍又多個進攻點，今周主場對名古屋鯨魚，估計雙方會合演入球騷，大盤值得捧場！（now 633周六下午６時直播）
前鋒近期演出漸入佳境，兩大射手祖尼奴同我那霸和樹�瞪够穑�後備箭頭鄭大世同黑津勝都有料到，前線出現人滿之患，�跞章毥^對數一數二。球隊近日引入巴西球員域陀祖利亞，上周佢處子登場作客紅鑽，交出助攻同士哥各一，成功連繫中場同前線，令祖尼奴活躍程度大增，球隊又多瓣入波板斧。日本奧運隊開操，前鋒進攻中場谷口博之因而離隊，好彩有域陀祖利亞加入，實力不致受削。
鯨魚經過一輪低潮後，上仗主場四比○大破大宮松鼠，終於回復水準。日本國腳玉田圭司傷愈復出，可以同老拍檔科迪莊臣拍住上，川崎前鋒防線出名唔掂，呢場鯨魚唔慌冇士哥，大家都有入球本錢，捧大最好！

飛腳射手走佬益三神

同日大阪飛腳主場對大分三神，飛腳射手巴爾勢將以「天價」十億日圓（約七千三百萬港元）轉投阿聯酋球隊阿爾艾利，加上兩大主力播戶龍二同遠藤保仁因病缺陣，大軍實力大減，三神有機可乘，可捧「讓球客勝」！