安高:車仔強襲成都博「客勝」
英超班霸車路士（下圖）亞洲之旅第二場賽事，今晚會澳門同FC成都交手，雖然成都擁有踢過愛華頓李鐵壓陣，但睇過車仔大破FC廣州演出，就算話車仔要讓兩球，安高都唔信成都頂得住，捧「讓球客勝」！（now633台及廣東體育周六晚8:00直播）車仔雖然有保辛華同舒夫真高因傷缺陣，波歷克歸隊唔會落場，但剩番依然係星光熠熠，實力遠勝對手。睇佢對FC廣州一戰，如果唔係中楣兼中柱，贏夠五、六粒都唔出奇。成都今季中超踢十三輪只係排第九，近期八場不勝狀態衰到冇譜，佢近排集訓一周，踢完今仗又話會拉隊去英國集訓，但目標顯然係為中超做準備，反而今晚場波，都只會係盡人事一戰，鬥心有限，憑咩爆冷？
| 加入收藏：
责任编辑： 文章作者： 
