諾域治同熱刺分別瑞典同西班牙集訓完畢，今晚兩隊將會拍跳。佔主場之利諾域治有中堅杜靴迪受傷，防線有暗湧之下遇有戴倫賓特、杜斯山度士同貝碧托夫壓陣熱刺前鋒線，睇怕入波唔會少得去邊，不如玩入球大啦！（開賽時間：周二凌晨2:45）
雖然諾域治瑞典集訓之旅錄得兩戰全勝，不過中堅杜靴迪期間勇戰受傷，今仗上陣成疑。就算有新加盟守將奧莫素斯同史堤芬奴域，但佢同防線其他隊友仍然爭默契搞到中門大開，即使前線有古尼頓頻頻熱身賽有斬獲，同埋借得費倫天拿箭頭盧普利，恐怕都係前面入埋唔夠後面輸，咁情況仲唔捧大咩？
再講，熱刺亦唔係無入波本錢，雖然前鋒羅比堅尼盛傳轉會利物浦今仗未必披甲，但係另一射手戴倫賓特已經連續兩場熱身賽有波入，配合埋貝碧托夫同杜斯山度士，呢個三叉戟組合想諾域治身上入波唔難，加埋熱刺後防不嬲都係神神化化，轉頭輸番一兩粒唔奇，玩1.8倍大仲盞
| 
| 加入收藏：
责任编辑： 文章作者： 
