冇搞錯，歐聯又殺到！不過，今次只係歐聯外圍賽第二圈，來自挪威白蘭恩今晚會首回合迎戰拉脫維亞球會雲特史比斯。主隊既有質素優勢，又有場地之助，再加上踢歐聯賺大錢決心，1.75倍「讓球主勝」睇落都幾穩陣。（開賽時間：周三凌晨2:45）
雖然話今晚熱身賽有唔少頂級聯賽球隊飛，但始終佢都係以試陣為主，戰意難測，講到好路，我寧願玩打真軍歐聯外圍賽好過。上一圈淘汰威爾斯球會拉尼利雲特史比斯，作客首回合都係輸一球，到次回合先反勝，證明球隊實力真係好有限，作客波 更加唔多捧得過。
兩國足球水平差距大
唔好話我睇小佢，睇番兩國世界排名，挪威話晒都係排三十一，拉脫維亞則係排六十六，佢足球水平差距有一大截，捧白蘭恩自然更加合理。再者，白蘭恩話晒都係上季挪超冠軍，實力的確唔簡單，而且隊中巴基以前去過英超搵食，見慣大場面，有佢撐住，我信佢會主場大勝一場，確保出線。
歐聯外圍賽賽制
外圍賽共分3圈，今輪為次圈首回合。賽事採主客兩回合淘汰制，若兩回合總比數賽和，以作客入球較多一方為勝，若作客入球數字相同，則在次回合90分鐘後加時30分鐘，若雙方在加時期間取得相同數量的入球，由作客球隊獲勝；若加時沒有入球，則互射十二碼分勝負
