聽朝美職獨腳戲,皇家鹽湖城主場迎戰侯斯頓戴拿模,Mic少睇好主隊!咪睇鹽湖城位列中游,其實球隊主場演出唔小,目前係西岸主場王,八戰未嘗一敗,穩定到不得了,依家馬會開平手盤,冇理由唔捧主隊喎!(周五早上10時開賽)
平手盤唔怕侯斯頓
Mic少睇美職一段時間,對各支球隊特性瞭如指掌,今次推介鹽湖城,絕非下巴輕輕隨口,睇番佢成績,用兩個字形容晒,可靠!聯賽主場八戰四勝四和,位列西岸主場榜No.1,贏過現時美職一哥新英倫革命同前列分子華盛頓聯隊,不容忽視!
至於侯斯頓戴拿模方面,呢支兩屆冕美職總冠軍名氣大過天,季初大脫腳後,依家已經開始回穩。不過,佢作客演出非常唔掂,聯賽客場八戰只曾一勝,勝出率得一成幾,基本上作客可以當佢冇到!班波成績唔掂,絕對有得解釋,射手程拜仁今季保持不俗狀態,但係班隊友跌晒Watt,自然難創佳績!