當畀人質疑自己能力時候,最好反擊方法就係造出成績!華拉倫加今季成績麻麻,惹球迷懷疑練馬田安達臣領軍能力,今晚挪超主場對榜首史達比克,乘住丹尼爾賀姆同拿斯史特蘭兩件中前場復出,有望做齣好戲省靚招牌,平手盤捧主隊!(開賽時間:周一凌晨2:00)
華拉倫加今季換上馬田安達臣執,可惜成績時好時壞,搞到畀球迷質疑佢係唔係未夠班領軍,所以今仗對佢本人講係省靚招牌之作,戰意自然十足。再睇番佢今季聯賽主場兩勝兩和一負,不敗率高達八成,就算硬碰史達比克未必輸梗。
況且,華拉倫加賽前傳出喜訊,前鋒丹尼爾賀姆同中場拿斯史特蘭都有望復出!尤其係前者夥拍射手艾度奧拿爾攻堅組合,季初曾合共轟入六球,加上拿斯史特蘭策劃攻勢,大有條件客軍身上搵到甜頭。
史達比克衰輕敵
史達比克狀態雖然唔曳,但睇佢今季四場失守賽事當中,對手包括利尼史特朗、阿里辛特同特林素三支中下游隊伍,似乎佢防線對住實力稍弱對手都會大意失波,或者輕敵呢點正正係華拉倫加今晚搵到食原因!