七屆法甲冠軍里昂，今季冕第一炮會主場迎戰圖盧茲。里昂季前買入唔少好手，可惜未開季傷兵已經一大籮，呢場對住近三場熱身賽未失過波圖盧茲，隨時老鼠拉龜咬唔入，朱楓揀1.85倍入球細！（開賽時間：周一凌晨3:00）
為連奪第八座法甲冠軍獎盃，里昂今季有唔少搞作，除由里爾挖練普爾外，仲高價買入門將洛里斯、中場艾達臣、桑馬干等球星，實力的確增強唔少。
普爾直認患「季初病」
可惜呢支法甲班霸季前唔知係咪操得太犀利，被譽為法甲最佳後文沙、前鋒費特、卡達基達同中場費比奧山度士都先後熱身賽中受傷要抖一段日子，上場超級盃對波爾多已經冇上陣，結果里昂最後亦射十二碼落敗。據講里昂該場比賽差唔多全場都被波爾多?住砌，賽後練普爾都承認球隊的確患上「季初病」，完全未上力，講到咁，試問各位又點敢用真金白銀捧佢！
至於圖盧茲方面，佢季前將上季首次席射手艾文達同艾曼拿先後賣走，雖從史浩克買入丹麥前鋒蘇連拿臣，不過球隊鋒力明顯有下降象，近四場熱身賽只係對低組別球隊阿爾勒時入過波，其他三場都食白果，好彩四場加埋只失得一球，睇圖盧茲緊一季將會大打防守足球，呢場作客勁旅里昂肯定拖得就拖，玩手○比○完場亦唔出奇！
| 加入收藏：
责任编辑： 文章作者：