大家好，好開心今季繼續《東方波經》畀好料大家，近排大家係咪睇奧運睇到眉飛色舞呢？不過另一邊廂歐洲聯賽亦已蓄勢待發，今晚德甲、英超全面開鑼，球迷又係搏殺時候，今晚細鬼揀場德甲比勒費爾德對雲達不來梅入球「大」作為新球季見面禮。（周六晚9時30分開賽）
今年係雙數年，有份踢歐洲國家盃球員休息個多月又要重新投入球隊訓練，真係少體力都唔掂。經過一段時間休息，相信球員冇咁快操起十足狀態，而且新一季唔多唔少都會有球員變動，牌面高一方對住實力較弱隊伍難有十足贏波把握。
比勒費爾德防線曳
因此細鬼今日決定唔玩主客和，轉玩入球大細，心水係德甲聯賽比勒費爾德對雲達不來梅。熟悉德甲波朋友應該唔會否定呢個聯賽入波多，尤其雲達不來梅更係出名入球王，上季佢聯賽入75球，係全德甲入波最多球隊。雖然佢今季放走中場保路斯基，巴西中場迪亞高亦正參加奧運而缺陣，但從上周德國盃首圈比賽所見，冇呢兩名中前場球員對進攻影響不大，羅辛貝治、曉高艾美達同辛洛高三人包辦九個入波，腳風順到不得了，有本錢可以繼續大打進攻足球。
比勒費爾德平均攻力雖然冇不來梅咁犀利，但近年遇上不來梅卻經常出現大手交易，好似上季佢作客就曾以1:8大敗不來梅腳下，前季就曾主場以3:2贏波，而且佢上季聯賽失波數字高達60球，係聯賽失波第二多隊伍，遇上攻力超強不來梅，完全符合開大必要條件。
不來梅大
| 加入收藏：
责任编辑： 文章作者：