女仔睇波，個個都以為我係睇靚仔，不過冇人話你知，我有時寧願睇得意可愛男仔，多過一自以為是男仔咩？其實上季睇親德甲，Sugar都會特別留意法蘭克福比賽，皆因佢陣中有個日本仔稻本潤一，望埋去都有似林海峰，見親佢我都想笑！
法蘭克福傷兵滿營
今晚德甲又會有法蘭克福比賽，如果你以為Sugar一定捧稻本仔場，你就錯。睇男仔我會揀個可愛，但如果講到買波或者畀貼士，我就點都會仔細分析，唔係點對得住讀者先？今晚法蘭克福主場對哈化柏林，新球季第一擊，本來踢主場應該會有優勢，不過據我所知，其實佢今仗傷兵唔少，正選陣容又會擺幾個新人落去，默契都差。
至於哈化柏林雖然都會有隊長費特列治受傷缺陣，但我見佢上季整體戰打得好好，前鋒彭迪歷都真係好犀利，對唔住稻本仔，我今晚會為哈化打氣呀！
| 加入收藏：
责任编辑： 文章作者：