今晚俄羅斯鐵路盃盛大舉行，上演兩場好戲，頭場先演AC米蘭對西維爾，跟住由東道主莫斯科火車頭迎戰「藍戰士」車路士。首次參賽車路士對呢項賽事異常認真，除要擺脫歐聯決賽陰霾，希望班主阿布拉莫域家鄉威番鋪，鐵路盃成為車路士英超開鑼前僅餘兩場熱身賽，眾將必盡最後努力討好新領隊史高拉利，客W捧得過。（有線足球台61周六凌晨1時15分直播）
車路士英超開鑼前只安排五場熱身賽，其中三仗對手係實力差距甚遠亞洲球隊，雖然車路士三仗全勝，射入十三球更不失一球，但呢比賽練兵作用有幾大，大家心有數。故車仔今次參加由AC米蘭、西維爾及莫斯科火車頭角逐鐵路盃，先至係球隊季前最大考驗，而且老細阿布早前未有隨隊東來亞洲觀戰，今次首次現身莫斯科，對球員講係一大推動力，新領隊「大菲」史高拉利自然亦要老闆面前Show off。
車路士勝在件件砌得
車仔今季陣容可謂去蕪存菁，賓希姆、薛維爾及馬基列尼離隊，補充番迪高同保辛華，雖然比沙路、杜奧巴因傷無緣上陣，沙洛文卡勞則在港踢四角賽，但車仔兵源實在太充足，擁有二十名國腳級球員壓陣，「車輪戰」係佢踢熱身賽最大優勢。
由於俄羅斯聯賽依家進行得如火如荼，莫斯科火車頭首要目標都放聯賽，呢類表演性質比賽，戰意真係有限，何況兩隊本身實力根本有距離，佢上屆參賽都係包尾而回，相信今仗亦非車仔敵手，簡單取回報不俗客W已足夠
