「冇計啦，惟有將就啦！」恐怕係比利時領隊雲達艾根心聲，由於佢國家奧運隊抽調大部分主力，今晚作客德國熱身賽焗住以副選出戰，試問點同主隊砌？怕且都係大敗收場，一於捧德國「讓球主勝」啦！（開賽時間：周四凌晨3:00）
比利時主將去晒踢奧運
老實講，比利時本身足球人才已經唔多，依家一班主力好似後華美倫同前鋒迪梅爾等都去晒踢奧運，你叫國家隊主帥雲達艾根仲可以揀邊個？所以今晚呢場波即使有拜仁後雲拜頓、燕豪芬守將西蒙斯壓陣，但其餘「配套」人腳都係老將高亞或者係副選基特之流，都好難望佢有好表現。
至於德國方面雖有中場波歷克、芬寧斯、鍾斯同龍門艾達因傷退隊，不過以普多斯基同路菲斯等球星質素，面對呢隊比利時B隊都仲綽綽有餘。更重要係德國前鋒希美斯、古蘭爾同馬里奧高美斯都德甲開齋，狀態夠晒，要大數近兩場熱身賽失七球比利時唔難！
| 加入收藏：
责任编辑： 文章作者：