所謂鳥倦知還，巴西中場馬些連奴過去七年都外國搵食，最近終於重返巴甲加盟法林明高，仲上場亮相添！有佢壓陣，法林明高聽朝聯賽主場鬥戰績有虛火味甘美奧絕對佔先，少讓平半要支持法林明高上盤！（開賽時間：周五早上7:30）
甘美奧不敗戰績似虛火
有睇開德甲朋友，相信對馬些連奴唔會陌生，事關呢位森巴中場曾經係哈化柏林進攻重心，之後轉投特拉布宗同禾夫斯堡，今個月初佢終於重返巴甲搵食。事實上，無論入波能力同傳送佢都具備上佳質素，法林明高有佢壓陣，可望解決早前因為射手馬仙奴同洛迪高蘇沙離隊造成影響，配合近四次主場對甘美奧全勝戰績，法林明高今鋪有晒贏波本錢。
再講，作為巴甲一哥，甘美奧雖然近六場有五勝一和，但當中贏明尼路、哥列迪巴及伊帕汀加都同對手係聯賽中下游分子有關，另外擊敗維多利亞就係食住對方作客唔掂弱點，虛火味濃，所以今次法林明高要讓波都好合理，一於捧上盤
| 加入收藏：
责任编辑： 文章作者：