英超到第二周比賽，大家對二十支球隊都有一定認識，富咸可以話係首輪令人最失望球隊，今晚佢對住勁旅阿仙奴，首名入球幾大吼住兵工廠球員，前鋒尹佩斯（右圖）復任正選，首球之選。
阿仙奴上仗圍攻西布朗小勝一球，唔多唔少同班前鋒未撻有關，場做後備尹佩斯代表荷蘭對俄羅斯射入靚波，表現活躍。上季阿仙奴開季頭兩仗佢都有波入，其中一場仲係對富咸添，今場重返正選肯定有貨交。
富咸上仗輸畀侯城，左閘高捷斯基錯漏百出，對住尹佩斯呢技術型射手真係冇符。除尹佩斯之外，大家亦可留意高路托尼，呢位守將死球常有斬獲，今場更加可能推前客串防中，以佢重腳頭隨時係破密集武器！
首名入球
（六）59
202 尹佩斯
| 
| 加入收藏：
责任编辑： 文章作者：