度士今個禮拜將視線轉去英超戰場，睇中升班馬史篤城主場對阿士東維拉，維拉今季因為要踢圖圖盃，開操時間較早，狀態亦比其他球隊更快上力，史篤城上場英超處子登場被實力平平保頓蹂躪，今遇大勇維拉更難有運行，1.7倍客W可放心捧場。（now634周六晚10時直播）
尋日本港打風度士唔使操練，為準備今個禮拜推介，度士特別留屋企睇上周首輪英超賽事精華，當中以維拉表現印象最深刻，上仗主場大勝曼城四比二，射手艾邦拉荷連中三元，連同之前足協盃對冰島球隊夏拿佐杜亞，維拉近兩場比賽全勝兼入八球，狀態弗到漏油。究其原因，相信同球隊今季要踢圖圖盃好大關係，球隊開操時間比其他英超隊伍早，落到球場更快入局，表現自然勝過對手，而且領隊奧尼爾亦係度士好欣賞領隊，佢作風實而不華，而且好注重球員紀律，佢領導下維拉整體發揮更見效率。
史篤城未夠班
史篤城今季升上英超，首要目標當然係護級，球隊季前以重金羅致前雷丁射手傑臣，可惜首場聯賽作客實力一般保頓卻以一比三落敗，而且早上半場已落後三球，呢場敗仗反映史篤城現階段根本未夠班英超立足，本來今仗主場出擊係搶分機會，但兩者差距實在太大，如果勉強搶攻只會輸得更快，維拉一對快馬艾邦拉荷同艾舒利楊格速度夠，作客晒佢打反擊。
| 加入收藏：
责任编辑： 文章作者：