漢諾威同科特布斯德甲開鑼日齊齊輸波，但其實漢諾威場波踢得唔錯，可以話係雖敗不辱，反而科特布斯吞賀芬咸三蛋就真係「堅水皮」，今場漢諾威主場出擊，絕對有權閃電反彈搞掂科特布斯打開勝利之門，一於捧1.6倍主W。（有線61周六凌晨2:30直播）
上季住比達錫同埋夏舒文呢黃昏戰士，漢諾威都可以跑個第八名過終點，今季執靚個陣再戰德甲，冇理由會衰過上季！漢諾威依家有三件傷兵，當中只係轉型踢翼鋒史達拿缺陣影響較大，另外兩名傷兵包括長青樹左閘泰勒，同埋中場恩哥夫都已經唔再係必然正選，即係話漢諾威今仗可以排強陣出擊。
科特布斯往績輸蝕
上場輸○比三戰果可能會嚇親捧場客，但唔好忘記漢諾威場對手係史浩克，仲要係作客，要留意中場新星真羅辛度同埋芬蘭射手科素只係做後備，不過由舒拿達夫同埋漢基組成攻擊組合亦向對方發十一次炮咁多，所以漢諾威雖然輸波但都踢得唔失禮。
另邊廂開鑼戰同樣吞三蛋科特布斯就真係爭唔落喇，主場對升班球隊賀芬咸都大敗，賀芬咸係咪「堅神奇」就唔知，但科特布斯就肯定係「堅水皮」，因為佢上場波得一次射門中框咋！今晚科特布斯要作客對漢諾威仲有一樣好不利，就係往績喇！上季科特布斯作客吞四蛋，前一季都淨輸兩粒，咁呢場唔捧漢諾威又點對得住自己呀？
| 加入收藏：
责任编辑： 文章作者：