英超始終係英超，開咧第一周，大中華區已掀起熱潮，之前德甲、歐洲國家盃、歐聯外圍賽開波，全部都冇得同英超比。英超開鑼生意唔錯，但投注額仍有上升空間，相信奧運之後，球迷會更加集中��英超。上周曼聯死火，散戶買乜盤都死，走地客亦損傷慘重，肥叔再提醒大家，捧名牌前真係要度過先，要小心墮入投注陷阱。
今周推介英超升班馬侯城畀大家，首周球隊主場反勝富咸，大戶非常有信心，出擊支持呢班波，由平手盤變到侯城讓平半，結果順利得手，收穫甚豐。侯城本身名氣唔大，早被視為降班熱門，但係踢落相當對辦，絕對唔可以睇小！布力般流浪首周作客贏愛華頓，對手人腳唔齊不能作準，今次讓到一球，似乎真係太多，呢場下盤有得諗。

要埋米堡不來梅賀芬咸

再睇多場英超，利物浦下周中要踢歐聯外圍賽，首回合同標準列治互交白卷，次回合要搏命，今周主場對米杜士堡，一定有所保留，點讓球半呀？米堡人腳變動唔大，�☆^修夫基帶得唔錯，下盤有計！另外，德甲史浩克04同樣要於歐聯搏殺，作客雲達不來梅唔會去盡，受讓平半都信唔過，不來梅上盤亦係肥叔是日精選。
最後畀多場賀芬咸，呢隊德甲升班馬愈踢愈好，上場作客炒科特布斯三蛋，即時打起晒信心。升班馬踢道氣，今次返主場對另一升班馬慕遜加柏，讓到半球飛數對辦，有力再下一城。