大家咪以為里奧艾維係新升班就睇小佢，查實呢班波係不折不扣惡「細」力，上季開入球細比率達七成！今晚葡超開咧戰主場對住由新援艾馬、雷恩斯領軍賓菲加，怕且入波欠奉，吼細好路！
里奧艾維上季葡甲三十場波當中，足足開二十一場入球細，比率有七成咁多，多多少少反映佢踢法都係穩陣派。再者，球隊只係重返葡超，無理由轉頭就想跌番落去，相信佢都會抱住得一分得一分諗法去比賽，面對Big3之一賓菲加更加無理由去駁火，打法自然更保守，開入球細機會相應提高。
再講，賓菲加今季雖然有艾馬同雷恩斯兩位攻擊球員加盟，但留意佢上季各自所屬薩拉戈薩同馬體會都係坐冷板多過落場，狀態仲剩幾多真係無人知，旨意佢攻堅的話，咪盞延續近五次作客里奧艾維全開入球細紀錄！
| 
| 加入收藏：
责任编辑： 文章作者：