前兩日颱風「鸚鵡」襲港，相信唔少OL都同Sugar一樣好開心，皆因無端端多日假放，可以留屋企好好抖，順便睇奧運。不過Sugar就冇大家咁好彩，尋日已經開番舖，冇辦法啦，做生意每日都係錢，身為最佳員工Sugar點會偷懶先？
唔信劉翔臨陣退縮
講起睇奧運，大家近排講得最多都肯定係「欄王」劉翔，作為運動員因傷退賽，有邊個想？有人懷疑佢係壓力太大唔願跑，我就唔信佢會咁冇膽，始終練四年冕，一句話驚就唔跑，咁練做乜先？你會唔會咁蠢？
受傷唔落場真係好慘，睇德甲法蘭克福班波，傷成半隊，連主力巴拉莫域都話唔踢得，上星期我睇死佢主場贏唔到哈化柏林，結果輸○比二，今次我都繼續追佢對家，捧科隆。上星期科隆輸畀禾夫斯堡，都係先開紀錄一隊，狀態唔算差，今次返主場應該開到齋，讓平半捧上盤啦！
| 加入收藏：
责任编辑： 文章作者：