全中國十三億人萬眾期待、日思夜想○八北京奧運，經過十六日激烈角逐，到今晚終於閉幕，相信好多國民都依依不捨，事關呢次盛事真係太精彩，畀到好多回憶我，當中甜、酸、苦、辣樣樣有，Peter不禁要講句：難忘你！奧運中奧運！
本屆奧運於北京舉行，中國運動員表現可圈可點，於自己強項如體操、跳水、乒乓球都有壓倒性優勢，擸金牌真係擸到手軟，最後於金牌榜做埋一哥，認真威水。
意大利超級盃捧國米
隨奧運圓滿閉幕，相信球迷目光又會返到英超身上。今晚曼城主場鬥韋斯咸，主隊今夏有太多人事變動，而領隊曉士剛帶隊，球員仍處於適應期，再加上前鋒祖奧未歸隊，呢場雖有主場之利，但仍難讓當頭起韋斯咸，捧下盤。另外意大利超級盃，國際米蘭本季有莫連奴帶隊，其領軍功力毋庸置疑，對本季第一個錦標志在必得，羅馬唔係佢皮，捧主W！
| 加入收藏：
责任编辑： 文章作者：