力奇貼波愈貼愈偏，上季同大家傾鬼盤，今季集中寫半場主客和，今日我仲要係揀場冷門波瑞超講，就係護級大戰隆斯基爾主場對辛斯華爾。咪以為兩隊波都唔知乜料就係隔山買牛，實質係睇完佢賽績，呢場半場真係和八、九成。
呢兩隊波依家瑞超分列尾三、尾四，仲要搶分護級，但奈何實力真係冇乜突出，進攻火力唔掂，開季至今都係平均每場入大約一球咁大把。我查過佢半場賽績，大家都係踢十九場波，隆斯基爾竟然有十二場開半場和，比率高達六成三；至於辛斯華爾則係有九場和，都有四成七。
再深入去睇數據，隆斯基爾開半場勝只係得一場，辛斯華爾叻都係得三場，簡單講大家都係冇本錢贏波同半場領先球隊，容乜易悶夠四十五分鐘，開和收錢
| 
| 加入收藏：
责任编辑： 文章作者：