首回合西班牙超級盃，華倫西亞同皇家馬德里合演一場對攻大戰，結果入波梅花間竹之下華倫暫時領先三比二；今晚次回合改到皇馬班拿貝主場上演，對攻局面睇來只會比首回合更激烈，與其估贏輸，捧入球大更實際！（有線61及64周一凌晨4:00直播）
瞄準超級盃頭彩
首先從戰意方面諗，皇馬對於爭奪超級盃應有一定決心，雖然銀河艦隊已經連續兩年贏得聯賽冠軍，但上屆超級盃就主場輸三比五，合計兩回合輸夠三比六畀西維爾拎個頭彩走，比較番再之前兩屆死對頭巴塞隆拿，都能順利開季贏超級盃，試問皇馬又點能夠忍受連續兩年呢個牙骹盃賽失威？依家首回合落後緊一球，今日有地利唔攻到華倫傻就勢係假！
儘管華倫整體質素唔夠皇馬，但由於季初仲未操起，兩隊踢落差距未算太大，由華倫首回合落後下反勝可見一斑。再翻查對上三屆超級盃次回合賽果，全開入球大；而皇馬近三次主場對華倫，亦同樣開大收場，呢場跟番呢條靚攤路捧場，仲唔係一邊睇好波一邊等收錢？
| 加入收藏：
责任编辑： 文章作者：