周中波大吹冷風，英格蘭意大利開下盤，哈馬比同卡馬亞兩支全攻型球隊對撼開入球細，然後香港又刮個九號風球，真係應景！言歸正傳，今晚又介紹場鬼盤畀大家，係德乙波奧柏侯遜對恩高斯達特，主隊「喪讓」一球照跟。
因咩解究買奧柏侯遜呢？因為個盤夠鬼夠惡！開鑼戰吞科布倫斯三蛋，計埋得失球依家排德乙榜尾，今仗對手恩高斯達特上場就力克格雷特霍夫，依家排頭位，個盤開出奧柏侯遜竟然要讓，掉轉買晒「讓球和」同埋恩高斯達特讓球客勝都有數，有冇咁筍呀？講到尾，奧柏侯遜最多咪開個讓平半盤。
除從「嚇鬼」角度出發之外，其實奧柏侯遜都有可取之處，佢熱身賽踢得唔差，睇得出有一定入球能力，加上德國盃都可以同利華古遜踢到加時先輸，今仗「喪讓」一球必有計，呢個「讓球主勝」二仔底死跟！
| 
| 加入收藏：
责任编辑： 文章作者：