世界上有邊一種蚊最危險？唔係白紋伊蚊，係外號「蚊子」米蘇特！呢位力英冠高雲地利射手上季聯賽盃兩度射爆曼聯令人記憶猶新，事實上佢打盃賽入球率遠比聯賽高，今晚球隊聯賽盃主場對紐卡素有佢壓陣，隨時締造冷門戰果，「讓球主勝」可以小試！（now670台周三凌晨2:45直播）
紐卡素客勝率僅1成
米蘇特本來只係寂寂無聞球員，自從佢上季聯賽盃射破曼聯大門，助高雲地利晉級後，即時打響名堂！其實佢上季連聯賽盃同足總盃在內六場射入七球之多，比率較聯賽四十一場入十球得高，可見佢係盃賽殺手，今晚對住紐卡素隨時再有好似上季咁驚人演出！
何況，高雲地利本身狀態唔曳，開咧至今連盃賽四場波有三勝一負，即使賽前傳出門將韋斯活同射手伊斯活特有傷，卻有安迪馬素爾同麥堅斯頂上，面對自一月中基瑾接手後至今作客只有一勝四和五負、不勝率達九成「喜鵲」紐卡素，法定時間保住不失又幾咁奇！ | 
