今晚有場瑞超獨腳戲，由聯賽榜尾二加費萊主場迎戰希爾星堡，安高睇好希爾星堡可以贏波終止兩連敗，事關主隊係瑞超火力最弱球隊，唔識入波同等死冇分別。再加上希爾星堡想保住爭標機會，再失分真係唔掂，夠鬥志同實力，2倍客勝博得過。（開賽時間：周三凌晨1:45）
加費萊唔識入波
近六場聯賽得一勝五負加費萊，唔只整體表現差，最得人驚係前面唔識入波。睇番呢六場波入面，竟然有四場係零入球，畀唔到壓力對手，相對後防壓力都會增加。事實上，佢踢十九場聯賽只係入十五球，平均唔夠一球，係全瑞超最差一隊，相比起希爾星堡踢十九場入三十二球，真係少成半有多！
依家排第三位希爾星堡，近兩場都輸波當然令人失望，但係之前八戰七勝就反映佢實力夠堅。本來狀態差未必捧得過，只係想博反彈，有乜好過呢個時候遇到魚腩分子加費萊先？射手軒歷拿臣同馬干迪利近排都算腳風順，就算話有兩個中場施古拿臣同馬古斯蘭斯停賽，都一樣夠殺啦！
| 加入收藏：
责任编辑： 文章作者：