重炮手:AC車仔玩保守細水長流
AC對車路士呢夢幻對決，唔一定歐聯至會上演，好似今晚鐵路盃季軍戰就正正上演呢場戲碼！雖然紅黑軍團無晒朗拿甸奴等數胡球員，好在佢防守力有番咁上下，仍然有籌碼同車仔打守勢波，預計入波唔多，玩「細」最好！（有線61、64及廣東體育周日晚6:00直播）由於朗拿甸奴、柏圖、恩沙基同波里路都缺陣，搞到AC上仗對西維爾要用新仔柏路斯治攻堅，就算卡卡落場都好似孤軍作戰咁，照睇今場好難威脅車仔。既然攻唔到，玩守都得，起碼AC仲有馬甸尼、加度素呢種級數防守球員隨隊，加埋門將艾比亞迪上仗演出優異，對住車仔就算唔可以全身而退，輸波亦估計應該係一兩球之內，按道理玩1.72倍入球細就最正路！至於冠軍戰方面，考慮到俄羅斯聯賽正打到半路中途，莫斯科火車頭狀態點都比未開咧西維爾好，加埋火車頭有主場之利，今鋪交手2.9倍主勝值得睇高。（有線61、64及廣東體育周日晚8:30直播）
| 加入收藏：
责任编辑： 文章作者： 
