安高:巴塞火「客勝」燒紅牛
雖然話少部進攻發電機美斯，但西甲班霸巴塞隆拿又點止得一個巨星咁少？上仗作客鬥墨西哥冠軍瓜達拉哈拉都可以大勝五比二，聽朝遇上只係美職尾三紐約紅牛，又係大開殺戒時候，「讓球客勝」1.95倍捧得過！（開賽時間：周四早上7:00）前線有伊度奧、亨利同保贊飛，中場又有沙維同恩尼斯達兩個西班牙歐國盃冠軍重心成員，再加埋新兵希比有貨交，巴塞至今踢四場熱身賽，結果共入十九粒，僅失四球，球員狀態同信心都一流，真係贏少球都難。紅牛方面，美職排尾三，水準真係不敢恭維，近排仲要連續六場未贏過，球員自信心跌落谷底，前線得個安祖頂住，其他都唔夠級數，對住如狼似虎巴塞，都係等炒格
| 加入收藏：
责任编辑： 文章作者： 
