距離英超開鑼愈愈近，曼聯狀態都一仗比一仗好，五連勝之後，佢今晚會奧脫福主場迎戰意甲勁旅祖雲達斯，考慮到祖記近排奔波勞碌，加上後防傷兵唔少，應該頂唔住「紅魔鬼」強攻，一於撐曼聯1.7倍主W。（now825台及無收費電視25台周四凌晨3:00直播）
南非踢完三場熱身賽之後，「紅魔鬼」班波整體狀態明顯大幅提升，之後尼日利亞技術性將樸茨茅夫擊倒，到上周末蘇斯克查紀念賽，又再將西甲球會愛斯賓奴殺退，連埋前晚做低英乙彼德堡，唔經唔覺曼聯已經累積五連勝佳績，球員信心十足，主場出擊點會驚祖記先？
泰維斯甘保博表現
再者，「紅魔鬼」球員領隊費格遜催逼之下，又有邊個夠膽流攤呢？費Sir話明一旦畀佢發現麾下球員冇鬥心，唔只會冇正選，甚至踢走都唔出奇。事實上，新球季曼聯陣中爭位激烈，就連前線朗尼、泰維斯兩個巨星，都話要面對新星費沙甘保挑戰，今仗朗尼盛傳因病缺陣，其餘兩個箭頭肯定搏命。
另邊廂祖記，季前熱身賽踢唔少，飛完德國鬥多蒙特，就返番意大利踢Tim盃，轉頭又英倫踢酋長盃，球員季初狀態未足就征戰連場，有?都係正常，上仗鬥漢堡末段連失兩球就知唔係講笑。最慘係佢幾名生力軍好似摩連拿路同基斯域近日都先後受傷，葡萄牙國腳安達迪又仲十字營，後防去去得幾件，實力又唔見突出，真係想保方一個打晒咩？
