作為蘇超勁旅，格拉斯哥流浪歐聯外圍賽畀卡奧拿斯踢出局，冇晒面子固然慘，最慘係球隊前線好似死火車一樣，撻極都撻唔，近八場波有六次半場無入波，今晚聯賽開鑼戰作客一心死守福爾柯克，隨時換邊前交白卷，一於玩半場和（now825台及無收費電視25台周六晚7:30直播）
外圍賽出局之後，意味住流浪今季無緣歐聯，有報道指球會因此少一千萬鎊（約一億五千四百萬港元）收入！冇錢事小，狀態曳事弊，球隊連歐聯外圍賽同熱身賽在內近八場波，六次換邊前都唔可以對手身上取得入球，就知成班波仲未返。加埋中場巴利費格遜同後古拿繼續養傷，陣容可以變動地方唔大，預計今晚都係一貫撻唔。
至於福爾柯克領隊約翰曉士今仗開始連續四場被禁場邊督師，調動受制，加上對手係班霸流浪，相信都係下死守令居多。其實佢今季引入曾經香港力過好易通同南華後李布倫，同埋中場麥拿馬拉、尼爾麥肯，實力係有提升，但佢三個中，最後生都已經三十三歲，體力恐怕得半場貨仔，所以都係博佢可以半場摸和流浪好
| 
| 加入收藏：
责任编辑： 文章作者： 
