周末舉行國際賽，各大主要聯賽都趁機小休，搞到近期開盤場次極少，有時仲一場都冇，好彩周四朝早有番幾場巴甲頂下癮，如果唔係點樣捱到去周末。今期推介方面，關爺最睇好戈亞斯。周中戈亞斯將於主場對帕拉尼恩斯，後者近期狀態嚴重下滑，作客成績更差，戈亞斯「齋Ｗ」相對好穩陣，可以做過關膽。（周四早上６時30分開賽）
帕拉尼恩斯八月中以五比○大勝伊帕汀加之後，表現唔單止冇升，近幾場仲愈踢愈沉。上輪聯賽主場對彭美拉斯以為可以反彈，點知最後都係輸一比二。帕隊連主場都咁弱，作客又點能夠戈亞斯身上取分？另外，帕拉尼恩斯作客落敗率超過九成，亦都係作客入球數字最低巴甲球隊。
相比起對手，戈亞斯表現就醒神好多。上輪聯賽以兩球淨勝費古倫斯後，球隊已錄得主場四連勝佳績。雖然話戈亞斯最近兩次對賽都輸畀帕拉尼恩斯，但時移世易，相信戈亞斯只要踢出正常水準，今場可望成功復仇。
另外明尼路對聖保羅，「細盤」就相當好路。聖保羅防守出名硬淨，平均每場都係失一球，近期攻力不濟，連同南球盃及巴甲已有兩場比賽守齋。至於費古倫斯對法林明高，後者近四場和三場，一於大膽揀「和」啦！ | 
