國際熱身賽，葡萄牙主場對格魯吉亞。葡萄牙攻力有幾強唔使多講，有齊Ｃ朗、哥利斯馬同沙保沙三大天王壓陣，陣容相當具侵略性。格魯吉亞呢類歐洲三流球隊，根本冇能力抵擋對手攻勢。兩隊實力差距咁懸殊，葡萄牙有望大炒格魯吉亞，「讓球主勝」可捧。（now 634周日凌晨１時15分直播）
葡萄牙最近兩場熱身賽都輸波，其中一個原因係兩場都中立場比賽，第二點係對手意大利及希臘分別係世界盃及歐國盃冠軍，葡萄牙遇強隊落敗其實都好正常。而今次「拍跳」對象換成世界排行第八十一位格魯吉亞，相信葡軍只要出七成力，已經足以輕取對手。 格魯吉亞預畀人數 格魯吉亞陣中最有名氣球員只得ＡＣ米蘭後卡拿迪斯，其他球員都係名不見經傳。今次與葡萄牙踢熱身賽，主要責任係做葡萄牙大沙包，等主隊一班星級球員可以從比賽中打起信心。
格魯吉亞早前對北愛、立陶宛及拉脫維亞等弱勢球隊都輸波，作客對住實力更強葡萄牙，點可能有運行？ | 
