瑞超歐國盃後重開，哈馬比並未受到賽事停頓影響，繼續保持六戰不敗勇態，射手查理戴維斯更係連續四仗有波入，所以今仗迎戰下游球隊奧雷布洛，勝利三分應可以手到拿來。（開賽時間：周一凌晨0:00） 奧雷布洛氣勢好屬假象 今季哈馬比雖然長期受到傷兵問題困擾，但球隊似乎早已適應，並找到合適替補人選，所以目前仲可以穩佔聯賽榜前列位置。哈馬比上仗作客以四比二擊敗馬模，表現非常突出，最重要係美國射手查理戴維斯狀態大勇，目前更累積七個聯賽入球，成為瑞超前列射手之一。此外，守將荷西蒙迪路及彼德安達臣亦停賽期滿復出，今仗兩人將可重披戰衣，大大增加哈馬比勝算。
奧雷布洛近仗分別擊敗隆斯基爾及辛斯華爾，氣勢好似好勁，但睇真，所擊敗對手不過係榜尾球隊，兩場贏波亦只係險勝而已，氣勢如虹隨時只係假象。論人腳及近況，哈馬比皆奧雷布洛之上，今仗兩軍短兵相接，有主場之利哈馬比可放心追捧。
哈馬比、佐加頓斯 | 
