聽朝巴甲有場前列大戰，由國際體育會主場硬撼聖保羅。冕聖保羅呢排雖然明顯復甦，之不過國體會係正宗門口狗，今季主勝率接近九成，加上主將冇病冇痛，平手盤絕對值得投以信心一票！（開賽時間：周四早上8:50）
計埋州聯賽、巴西盃同巴甲，國體會今季十八次主場出擊贏十六場，淨計聯賽亦錄得五勝一和佳績，比拉里奧主場威力真係唔講得笑。最重要係前里昂射手尼爾馬復出後重拾勇態，連續兩仗都有波入，拍住拿菲爾阿歷士同艾甸奴等中前場主力，鋒力絕對畀到人信心。 聖保羅前線經驗不足 聖保羅冇自由盃呢個包袱之後，聯賽演出明顯重上正軌，近期更錄得三連捷佳績。不過首席射手波基斯已經連續三仗食白果，艾萊斯奧亦養緊傷，前線鋒力大減，正正係佢上仗出盡九牛二虎之力先贏到保地花高主因。家陣前線靠晒冇乜經驗達高巴圖擔正，作客對住今季巴甲主場失得兩球國體會，想搵食都幾難。
再講，聖保羅門將羅渣里奧似乎走緊下坡，以阿歷士施華為首三人防線又唔多穩陣，聽朝真係輸埋都唔出奇，嫌平手主勝得1.75倍冇肉食話，可博3.85倍主主！ | 
