今晚英超連場好戲，火鍋店就請大家食「拖肥」！樸茨茅夫季前用成千萬鎊買高治返，可惜球隊仲未開到齋，仲要零分包艇，都咪話唔樣衰。不過樸茅頭兩場聯賽係輸畀車路士同曼聯，今晚對住防線有問題「拖肥糖」係時候搶分挽面子，受讓平半2.05倍高水抵博！（now632台周六晚10:00直播）
開咧兩戰輸晒畀Big 4其中兩隊，只怪對手太強兼樸茅太保守，預期急需搶分交代夏利列納，會將可翼可鋒烏達卡擺番正選行列，填補攻擊中場卡蘭積卡受傷空缺，樸茅鋒力照計唔會差太遠。
愛華頓上仗雖則話贏西布朗，打開今季聯賽勝利門，但全場唔算有太多攻勢，雖然耶高保連續兩仗有「士哥」，但開鑼戰畀布力般比賽尾段反勝，證明「拖肥糖」條防線有問題兼唔夠集中。另外佢買入沙夏又未踢得，想贏都冇本錢啦！ 推介 愛華頓 Vs 樸茨茅夫
（讓球） 下盤2.05倍 | 
