前幾期曾提過，今季巴甲都算幾正路，掂當然要繼續跟進，衰更加要踩多兩腳，就好似今晚出場紐迪高咁，近十二場聯賽先贏得一仗，今鋪造訪巴甲狀態最弗保地花高，睇怕又會輸鑊甘，2倍「讓球主勝」要跟。（now633台周日清晨5:20直播）
紐迪高雖則主場和榜首甘美奧，但今仗出戰保地花高都幾麻煩，事關近七次作客輸晒之餘，當中六場更輸多過兩球，反觀保地花高近九戰就取得八勝一和，主場更取得七連勝，無疑淨勝兩球比率較少，話晒近期主場對手都係高士路同彭美拉斯等強隊，今仗對狀態奇差紐迪高，係時候整番鋪大屠殺。 紐迪高葉士域治近態差 上季唔少主場奇兵今季都走晒樣，好似法甲南錫至今仲未開齋，而上季英冠主場王葉士域治，自己地頭更加係兩連敗，今鋪仲要作客出戰，情況更令人擔心。對手屈福特近六次同葉士域治交手都贏晒，格食格值得再追。（now898台、無收費電視998台及廣東體育周日凌晨0:20直播）
今晚意甲開鑼，焦點當然落由莫連奴接手國際米蘭可唔可以打響頭炮，但從之前熱身賽同埋意超盃所見，國米仍然未狀態，今仗作客森多利亞都幾難連番數胡，不過同過往車路士一樣，莫連奴打造國米防線其實相當穩陣，森多利亞亦唔易咬得入，今仗不妨捧1.68倍入球細。（有線14、61及64周日凌晨2:30直播） | 
