今晚「孖膽」由英超賽事作主導，尾關阿仙奴對紐卡素屬是日重頭大戰，雙方近年交手「喜鵲」都畀阿仙奴食住，加上客軍前線兵源有限，必向兵工廠贏波方向埋手，全場比數1:0、2:0同3:0係心水之選！
紐卡素開咧兩戰保持不敗，驟眼睇狀態唔錯，但其實周中聯賽盃對高雲地利踢得好吃力，加上馬田斯、維度卡仲傷緊，得番奧雲一個正宗前鋒都咪話唔濕滯。阿仙奴對上八次主場對住紐卡素有七次贏波，當中「喜鵲」有六次破唔到蛋，以兵工廠周中大炒川迪水銀瀉地表現，今晚要晒三分唔難。半場揀0:0、1:0，全場1:0、2:0及3:0。 樸茅搶分搵愛華頓數 另外，樸茨茅夫新季兩戰輸晒，今晚係時候搶分，撞正愛華頓季初表現麻麻，頭兩場聯賽失四球證明防線有問題，一於向有比數和波甚至樸茅客勝方向*。半場要0:1、1:1，全場1:1、2:2、2:3。 | 
